Partizani do të luajë ditën e shtunë sfidën e javës së 29-të ndaj Kukësit. Takimi do të luhet në orën 16:00, ndërsa klubi i kuq përmes një postimi në faqen zyrtare ka zbuluar edhe stadiumin se ku do të luhet ky takim.
Kjo do të jetë ndeshja e 3-të radhazi që Partizani do të luajë në shtëpi pas takimeve kundër Bylisit e Kastriotit, ndërsa edhe kjo sfidë do të luhet në “Air Albania”. Një gjë e tillë është konfirmuar nga Partizani në faqen zyrtare që ka bërë me dije se sfida ndaj Kukësit do të luhet në stadiumin “Air Albania”.
Ky stadium i sjell fat të kuqve që në dy ndeshjet e kaluara kanë marrë 6 pikë dhe kanë vendosur që edhe këtë ndeshje të rëndësishme ndaj një rivali të fortë ta luajnë në impiantin e kryeqytetit.
