Reperi Gold Ag ka zbuluar së fundmi pesë datat e tij më të rëndësishme të jetës. Teksa ishte i ftuar në “Prive”, ai nuk ka lënë pa kujtuar datën e veçantë të 4 prillit të vitit 1999.
Gold Ag ka rrëfyer se si kanë shkuar në shtëpi dhe i kanë nxjerrë nga aty, për t’i dërguar më pas te treni.
“Unë faktikisht kurrë nuk e kisha pas parë atë pjesën në Dragodan që ka trena, kështu që e pash edhe atë pjesë dhe mendoja mos kanë për të na vrarë. E mbaja mend prej xhirimeve tjera qysh i kanë vrarë edhe unë në atë moshë e kisha këtë mendim, isha në moshën 12-vjeçare dhe më pas na quan në Bllacë”, ka zbuluar reperi me prejardhje nga Presheva.
Më pas ka shtuar se aty kanë qëndruar dy ditë dhe familja e tij është shpërngulur për në Strugë. Sipas tij, aty kanë qëndruar deri në përfundimin e luftës.
E duke qenë se ka përjetuar vuajtjet e asaj e kohe të vështirë, Arian Agushi, në repertorin e tij numëron një numër të madh këngësh, dedikuar heronjve të luftës.
