Një ngjarje e rëndë ka ndodhur në Dibër ku një i ri është gjetur i pajetë nga vëllai i tij, i varur me litar.
Rreth orës 05.30 të mëngjesit të sotëm, familjarët kanë gjetur pa shenja jete 16-vjeçarin V.K., nga fshati Zdojan, Dibër.
E sinjalizuar për rastin, policia mbërriti në vendin e ngjarjes, ku konstatoi se viktima dyshohet se ishte vetëvarur me litar në kasollen e bagëtive.
Raportohet se ka qenë vëllai i tij i martuar, i cili ka gjetur adoleshentin e pajetë, të varur brenda kasolles së lopës pranë shtëpisë.
I shokuar, ai ka ka lajmëruar të atin. Nga veprimet paraprake hetimore dhe nga eksperti mjeko ligjor dyshohet se vdekja është shkaktuar si pasojë e vetëvarjes në litar.
Eksperti mjeko- ligjor, gjatë këqyrjes së trupit të viktimës nuk ka konstatuar asnjë shenjë dhune apo dëmtim tjetër përveç atyre të shkaktuara nga vetëvarja në litar.
Familjarët kanë mbetur të shokuar nga vetëflijimi i të riut, duke mos ditur të japin ndonjë motiv që e ka shtyrë drejt fundit tragjik.
