Ylli i “The Bachelor”, Colton Underwood, ka pranuar publikisht se është homoseksual. Underwood e zbuloi orientimin e tij seksual gjatë një interviste me “Good Morning America”, raporton “USA Today”.
29-vjeçari i “The Bachelor” foli hapur për drejtimin e tij homoseksual gjatë vitit të kaluar. Deri tani, ai nuk e kishte bërë publik, por, siç rrëfeu në intervistën e fundit, mirë është që njerëzit ta dinë.
“I jam larguar vetes për një kohë të gjatë, e kam urryer veten për një kohë të gjatë. Hapi tjetër në të gjithë këtë gjë është t’i lëmë njerëzit ta dinë. Jam akoma nervoz …. Por po përjetoj emocione në një mënyrë kaq pozitive, saqë ndihem i lumtur. Jam më i lumtur dhe më i shëndetshëm sesa kam qenë ndonjëherë në jetë dhe kjo është e gjithë bota për mua”,- tregoi Underwood.
Ylli i reality show-t i kërkon ndjesë publike edhe Cassie Randolph, ish-partneres me të cilën doli fitues nga “Bachelor”. Cassie dhe Underwood u frekuentuan për gati një vit, por lidhja mori fund, pasi gjërat nuk po funksiononin.
“Do të doja t’i kërkoja ndjesë për mënyrën se si morën fund gjërat. Isha shumë konfuz dhe bëra zgjedhje të këqija.”
Pavarësisht se ishte homoseksual, Colton pranoi se në të vërtetë u dashurua me Randolph: “Kjo më bëri edhe më shumë konfuz.… Do të doja të isha më i guximshëm për të ekuilibruar veten para se të lëndoja dikë tjetër.”
