Kryeministri Edi Rama tha se më 25 prill duhet një fitore përtej pandemisë, përtej sherrnajës politike.
Rama tha se është gati të bashkëpunojë me Lulzim Bashën, por me një kusht që ai të ndahet nga Sali Berisha dhe Ilir Meta.
“Unë dhe ne socialistët nuk e diskutojmë fitoren më 25 prill. Unë jam i gatshëm që të shkoj përtej ndasive të 30 viteve, dhe që ta bësh këtë duhet të kesh vizionin e së ardhmes, duhet të jesh lider.
Lulzim Basha na sjell një përgjigje që e refuzon ftesën time dhe këtë e bën sepse ai nuk është lider”, tha Rama.
Pak ditë para zgjedhjeve të 25 prillit, Rama ka nisur diversionet, që siç duket tregon se optimizmin për fitoren e zgjedhjeve sikundër deklaron në fushatë, e ka një fallsitet dhe asgjë më shumë.
Rama tha se Lulzim Basha është një udhëndjekës i Berishës dhe Metës, ndaj dhe sipas Kryeministrit është kjo arsyeja pse ai refuzon një bashkëpunim sikundër ka ndodhur në shumë vende që ne aspirojmë të bëhemi.
“Kamza duhet të votojë për 23 shkollat që do të ndërkohen. Kur i ka pasur Kamza 70 mln dollarë investime në infrastrukturë. Mos i lini burrat të luajnë domino me votat dhe i bëj thirrje grave që ti thonë burrave që votën ta hedhin për të ardhmen e fëmijëve të tyre”, tha Rama.
