Tre persona janë arrestuar lidhur me ngjarjen e djeshme në Berat, ku një efektiv policie u plagos me armë zjarri.
Gerald Marini 38 vjeç, Marjus Marini 42 vjeç dhe Arjan Marini 40 vjeç, ndërsa është shpallur në kërkim vëllai i tyre Armando Marini 46 vjec.
Ngjarja
Policia njoftoi se këta persona, gjatë një konflikti për motive të dobëta i kanë shkaktuar dëmtime të lehta shtetasit Albert Meta dhe bashkëshortes së tij Olta.
Në momentin e ndërhyrjes së shërbimeve të Policisë, vëllezërit kanë dhunuar, goditur dhe kanë tentuar ti marrin armën e shërbimit njërit prej punonjësve të policisë dhe gjatë konfrontimit fizik dyshohet se arma ka kryer qitje të pavullnetshme ku është plagosur në këmbë punonjësi i policisë Julian Xhahalili, i cili pasi mori mjekim në Spitalin Rajonal Berat u transportua për në Spitalin e Traumës Tiranë, për ndihmë mjekësore më të specializuar.
Materialet i kaluan Prokurorisë së Rrethit Gjyqësor Berat, për veprat penale “Plagosje e rëndë me dashje”, “Plagosje e lehtë me dashje”, “Kundërshtim i punonjësit të policisë”, shtuan të njëjtat burime.
