31-vjeçari shqiptar Ernest Gjini, i cili jeton në SHBA, është diagnostifikuar me tumor të gradës së katërt në tru, ndërkohë që familjarë të tij kanë nisur një fushatë për mbledhjen e ndihmave, për kurimin e tij.
Gjini ka një vajzë 15 muajshe, e cila kërkon përkujdesje, në një kohë kur ai ishte i vetmi person që punonte në familjen e tij. Prej disa ditësh kanë qenë me qindra shqiptarët që kanë dhuruar për familjen e 31-vjeçarit, ndërkohë që lutjet e të gjithëve janë që ai të e kalojë sa më parë këtë sfidë.
Fushata për mbledhjen e fondeve është organizuar nga shoqata ‘shqiptarët luftojnë kancerin’, dhe derimë tani në ndihmë të të riut janë mbledhur rreth 28 mijë dollarë. Vetë Gjini është duke luftuar me sëmundjen, e cila është në një fazë të përparuar në në Klinikën Cleveland në Ohio.
Deri para dy javësh i riu ka qenë në punë, dhe tumori është zbuluar në një fazë të avancuar të tij, ndërkohë që lutjet janë që ai ta fitojë sa më parë betejën dhe të kthehet shëndoshë e mirë pranë familjes.
Njoftimi i shoqatës:
Shoqata “Shqiptaret Luftojne Kancerin” në SHBA në bashkëpunim me Marinela Derveni po mbledh fonde në ndihmë të bashkatdhetarit tonë të dashur Ernest Gjini, i cili eshte diagnostikuar me kancer ne tru në fazën IV, në moshën 31 vjeç.
Ernesti po lufton me semundjen në Klinikën Cleveland në Ohio. Duke mos patur mundesi të punojë, këto ndihma do të përdoren për të mbështetur familjen, bashkeshorten dhe vajzen e tij te bukur 15 muajshe për të mbuluar kostot e jetesës dhe shërbimet e tjera të nevojshme. Cdo ndihmë do të vlerësohej shumë nga Ernesti dhe familja e tij. Jepni dashuri, shprese dhe kurajo kesaj familje te re! BEHEMI ME TE FORTE SE BASHKU !!
Nëse dëshironi dhe ju të dhuroni për Ernest Gjinin dhe familjen e tij mund të klikoni KETU
