Kryetari i PD Lulzim Basha i ftuar në ‘Tempora’ ka deklaruar se shqiptarët janë të vendosur për të bërë ndryshimin më 25 prill.
Sipas tij shqiptarët me votën e tyre do të bëjnë ndryshimin e madh, për të mos e lënë më Shqipërinë në dorën e një njeriu që ka keqqevrisur.
‘25 Prilli është dita e shqiptarëve. Është dita e qytetarëve. Nuk është dita e partive politike. Nuk është dita e udhëheqësve politikë. Është dita e vetme ku shqiptarët me votë kanë përgjegjësinë për të vendosur dhe përgjegjësia do të jetë e tyre. Vota do të jetë për ta dhe familjet e tyre.
Skandali tregon se shteti shqiptar nën drejtimin e kryeministrit në ikje dhe të një grupi të ngushtë njerëzish nuk ekziston më. Kjo është një arsye më shumë se pse me 25 Prill përmasat e bashkimit do të tejkalojnë ato të mbështetësve tradicionalë të opozitës apo të shqiptarëve që janë të etur për ndryshim, por do të përfshijnë shumë socialistë.
Shumica e dërmuese e shqiptarëve është e etur për ndryshim. Tani është në dorën e tyre ta bëjnë të mundur me votë. Ata që duan ndryshim të dalin masivisht të votojnë, kjo është garancia që një pakicë absolute mundon të ruaj status quo për veten e tyre dhe në kurriz të shqiptarëve do dështojë në çdo lloj marifeti që kërkon të përdorë. Nga kjo pikëpamje edhe kjo që ka dalë është një nga marifetet e radhës që tregojnë panikun që i ka kapur’, tha Basha.
