Mbi 1200 efektivë të policisë do të përfshihen nesër kundër protestuesve. Burime nga Drejtoria e Qarkut Tiranë thonë se kanë informacione se protesta do të jetë e dhunshme dhe me perplasje nga palët. Policia thotë se të rinjtë pranë parkut janë nën survejim dhe kanë plane për të sulmuar rrethimin e plotë të parkut.
Ndërkohë, Policia Bashkiake do të vazhdojë ruajtjen me turne të pjesës së parkut të lodrave.
Momentalisht ka mbëritur hekuri dhe pritet hedhja e betonit nesër çka do të sjell përplasjen e madhe.
Burime nga aktivistët thanë se ata do e pushtojnë me çdo çmim hapsirën e rrethuar. Forcat e ndërhyrjes së shpejtë do zbarkojnë atje për të mbështetur Policinë e Rendit.
Burime pranë Boldnews konfirmojnë se mbasditen e sotme nga shoqëria civile do të bëhet një mbledhje ku do të pëcaktojnë edhe ata strategjinë që do të përdorin në protestën e paralajmëruar ditën e nesërme. Në një komunikim me ta mësohet se në orën 11.00 do të mblidhen para Bashkisë e më pas do të marshojnë drejt Parkut të Liqenit.
Pas dhunës fizike të ushtruar pak ditë më parë ndaj 5 aktivistëve të shoqërisë civile nga punëtorët e firmës që po ndërton këndin e lojrave në sy të policisë, duket se është shtuar intesiteti i vullnetit nga shoqëria civile për të ndaluar betonizimin e Parkut të Liqenit. Nisur nga këto fakte pritet që ditën e nesërme në orën 11.00 protesta do të ketë dhe shfaqje dhune.
Madje shoqëria civile ka paralajmëruar të gjithë qytetarët nëpërmjet rrjeteve të ndryshme sociale që të bëhen pjesë e tyre për të ndalur ndërtimin e këndit të lojrave tëk Parku i Liqenit.
Thirrja e shoqërisë civile:
“Te ndertojme nje dite solidariteti…te veme kete foton “cover” neper profilet tona, me shume do ta shohin, me shume do mobilizohen, me shume do solidarizohemi…”
Shoqëria civile ka publikuar deri më tani disa foto ku vihen re shenjat e para të dwmtimit të Parkut të Liqenit
Shihni galerinë e fotove:
