Një incident që u bë menjëherë virale në rrjet u shënua në kompeticionin e bukurisë “Mrs Sri Lanka”. Pushpika De Silva fitoi titullin “Mrs Sri Lanka” dhe kurorën ia vendosi fituesja e vitit të kaluar, Caroline Jurie. Por kjo e fundit duket se nuk ishte dakord që ajo të merrte kurorën, pasi u rikthye sërish në skenë. Jurie mori mikrofonin dhe tha se nuk mund ta mbante titullin, sepse ishte e divorcuar.
Pas këtyre fjalëve, Caroline tërhoqi në një mënyrë aspak të kujdesshme kurorën nga koka e De Silva-s dhe ia vendosi shoqërueses së parë.
“Ekziston një rregull që ndalon gratë që janë martuar dhe janë divorcuar, kështu që unë po marr një hap tjetër dhe po e kaloj kurorën në vendin e dytë,” -i tha Jurie publikut.
Në një postim në Facebook, De Silva tha se ajo shkoi në spital për t’u trajtuar për dëmtime në kokë pas incidentit:.
“Ka shumë nëna beqare si unë sot që vuajnë në Sri Lanka. Kjo kurorë u kushtohet atyre grave, atyre nënave beqare që vuajnë për të rritur fëmijët e tyre vetëm.”, tha ajo në një konferencë për shtyp.
“Ne jemi të zhgënjyer. Ishte e turpshme se si Caroline Jurie u soll në skenë dhe organizata ‘Mrs World’ tashmë ka filluar një hetim mbi këtë çështje”, tha organizatorja kryesore e konkursit, Chandimal Jayasinghe.
BBC raportoi se policia në Sri Lanka arrestoi Caroline Jurie dhe modelen Chula Padmendra si pasojë e incidentit, me akuzat e lëndimit të thjeshtë dhe kauzës kriminale.
