Aeroplani i ekipit brazilian të Chapocoenses është rrëzuar në afërsi të qytetit të Medellinit të Kolumbisë. Ky është momenti i rrëzimit të tij. Nga 81 persona që ndodheshin në avion vetëm 6 persona kanë mbijetuar.
Avioni tip Çarter ka rënë në një zonë malore. Gjithsesi, nuk ka një shifër të qartë se sa është numri i viktimave, por thuhet se në bordin e avionit kanë qenë 72 pasagjerë dhe 9 anëtarë të ekipit brazilian të futbollit, që do të luante më 1 dhjetor në finalen e kupës së Amerikës së Jugut.
Ndërkohë, nga hetimet paraprake raportohet se shkak i rrëzimit të aeroplanit ka qenë mungesa e karburantit, duke bërë që të rrëzohej në mesnatë në një zonë malore të qytetit kolumbian Medelin. Sakaq, një version tjetër për shkaqet e kësaj ngjarje mendohet të jetë edhe moti i keq.
Futbollisti brazilian, Alan Ruschel, është i mbijetuari i parë pas rrëzimit të aeroplanit në afërsi
të qytetit të Medellinit të Kolumbisë. “Marca” raporton se ai është dërguar menjëherë në spital dhe është jashtë rrezikut për jetën. Gjithashtu është raportuar pas tij edhe Danilo dhe Jakson Follmann i kanë shpëtuar këtij aksidenti dhe se janë jashtë rrezikut për jetë. I mbijetuar është edhe masazhisti i ekipit. Futbollisti postoi momentet gjatë udhëtimit, para rrëzimit të avionit
