Kryetari i Partisë Demokratike Lulzim Basha shprehet se “pas grevës në aeroport që dëmton qytetarët shqiptarë qëndron vetë Rama”.
“Rama e di tashmë fare mirë se do të humbasë, prandaj po përdor çdo marifet të pisët. Pas grevës në aeroport që dëmton qytetarët shqiptarë qëndron vetë Rama. Ai është i vetmi përgjegjës për këtë. I bëj thirrje Ramës ta ndërpresë menjëherë grevën dhe të ndalë kërcënimet ndaj shqiptarëve që sot duan ndryshim dhe shpresë pas 8 viteve të dështimeve të tij”, shkruan Basha në Twitter.
Rama nga ana e tij akuzoi ish-kryeministrin Berisha dhe Presidentin Ilir Meta. Ky i fundit bëri apel për rifillimin e punës dhe këshilloi qeverinë të marrë parasysh kërkesën e kontrollorëve që kanë ndërprerë punën, duke sjellë edhe pezullimin e fluturimeve në Rinas, të paktën deri paraditen e nesërme.
