Mbyllja e stadiumeve ishte një ndër kriteret më kryesorë të pandemisë, pasi grumbullimi i tepërt i njerëzve cilësohej si faktor direkt i përhapjes së Covid-19.
Si duket në Amerikë, e kanë hequr frikën nga virusi, teksa ditën e djeshme në ndeshjen hapëse të sezonit të bejzbollit, ishin të pranishëm në stadium 39 mijë veta nga 40 mijë që ka kapacitet arena “Globe Life Field“.
Ekipi i bejzbollit, Texas Rangers, lejoi tifozët e saj të merrnin pjesë në ndeshjen që zhvilluan ndaj Toronto Blue Jays, teksa ishte guvernatori i vendit, Greg Abot, i cili disa ditë më përpara kishte lëshuar një urdhër që lejonte bizneset të vepronin me kapacitet 100%.
Në Europë nuk është marrë akoma një nismë e tillë, teksa është folur se mund të jetë Anglia vendi i parë që do të lejojë hapjen e stadiumeve me një kapacitet deri në 10 mijë tifozë.
So this is what a packed ballpark feels like?! Almost forgot. What a sight! pic.twitter.com/L4nz2lc7fi
— Sam Gannon (@SamGannon87) April 5, 2021
