Basha publikon videon e u bën thirrje të rinjve: Mos ikni nga Shqipëria, po punojmë për anëtarësimin në BE, ju do të sillni ndryshimin!
Kryedemokrati Lulzim Basha ka postuar një video në rrjete sociale, ku i bën thirrje të rinjve për të qëndruar në Shqipëri, e largimin nga vendi të mos e shohin si një opsion.
Në video shfaqet një i ri me valixhe në duar, e duke tentuar të ngjitet në autobus, ndërsa rrugën, ia pret kryedemokrati dhe i lutet të mos largohet, duke i renditur të mirat që do i vijnë vendit nëse PD do të vijë në pushtet, por dhe duke theksuar ëndrrën e kahershme të shqiptarëve, për t’u anëtarësuar në BE.
Fjala e liderit demokrat në video:
Prit pak! E di që gjendja e tanishme të bën të ikësh, ta kërkosh fatin tënd jashtë. Mos ik! E ardhmja jote është këtu. Ndryshimi po vjen! Ne do ta vlerësojmë potencialin tënd duke të të siguruar punë dhe pagë më të mirë, duke anëtarësuar Shqipërinë në Bashkimin Europian. Për këtë po punojmë tani, siç punuam që ti të lëvizësh i lirë, pa viza. Dhe rrugëtimi ynë drejt Europës do të ecë përpara me votën tënde për ndryshim.
