Një ngjarje e papritur ka ndodhur mesditën e sotme në qendër të qytetit të Sarandës, ku një person duke ecur në rrugë papritur është rrëzuar për tokë.
Menjëherë është njoftuar spitali, dhe ardhja e ambulancës bëri transportimin e personit për të marrë ndihmën e nevojshme.
Sipas bluzave të bardha personi, i identifikuar si Gjergji Piro, 50 vjeç, pësoi hemoragji cerebrale.
Pas ndihmës paraprake në spital dhe duke parë se gjendja ishte e rëndë stafi mjekësor vendosi transportimin e tij drejt Tiranës me helikopter.
50 vjecari Gjergji Piro, banor i fshatit Metoq, bashkia Sarandë, prind i dy fëmijëve, është biznesmen në këtë fshat dhe merret me tregtinë e materialeve të ndërtimit.
