Ndarja nga jeta pas prekjes nga Covid-19 e ish-kryeministrit Bashkim Fino ka sjellë dhe reagimin e klasës politike.
Kryeministri Edi Rama në një postim në Facebook, teksa e quan të pabesueshme, por fatkeqësisht të vërtetë njofton se në nderim të kujtimit të tij të gjitha aktivitetet elektorale do të ndalen.
Bashkim Fino kishte një muaj shtruar në spitalin American 3. Kishte kohë që vuante nga leucemia ndërkohë mësohet se kishte bërë transplant palce dhe trajtohej edhe në Milano.
Deklarata
E pabesueshme, po shumë fatkeqësisht e vërtetë, miku im, miku ynë i mirë Bashkim Fino nuk jeton më! Nuk kam fjalë.
Sot për familjen tonë të madhe është një ditë zie, aktivitetet tona elektorale do të ndalen në nderim e kujtim të vëllait tonë të dashur
