Tre ditë luftë me flakët dhe tymin e zi. Sot, zjarrfikësit kanë mundur të hyjnë në magazinën që u dogj te Kthesa e Kamzës. Rreth orës 01:40 të mëngjesit të sotëm, ata kanë mundur të gjejnë edhe trupin e pajetë të rojës së sigurisë, Arjan Sala, 32 vjeç i cili ra në krye të detyrës, pasi shpëtoi çdo punëtor që ishte brenda.
Boldnews.al ka siguruar pamjet nga brenda magazinës ku edhe u gjet trupi i pajetë i 32-vjeçarit. Në pamje shihet se të vetmet gjëra që i kanë rezistuar zjarrit kanë qenë strukturat prej metali që shërbenin për të mbajtur materialet. Pikërisht ato materiale lehtësisht të djegshme, kanë bërë që zjarri të përhapet me shpejtësi të madhe dhe të vazhdojë për rreth 60 orë.
Zjarri ra pasditen e të mërkurës. Ndërsa roja i sigurisë Arjan Sala u fut mes flakëve duke shpëtuar të gjithë punëtorët, por vetë nuk mundi të dalë duke u bllokuar brenda dhe duke dhënë jetën në krye të detyrës.
LEXO EDHE:
