Gjatë ditës së sotme u zhvillua seanca gjyqësore për 56-vjeçarin, Eduard Bushi, i cili qershorin e vitit të kaluar përdhunoi një 34-vjeçare nga Lushnja e cila ishte me probleme të shëndetit mendor.
Gjykata e Lushnjes e dënoi Bushin përfundimisht me 8 vite burg për veprën penale “marrëdhënie seksuale me persona të pazotë për t’u mbrojtur”.
Eduard Bushi e ka pranuar përdhunimin e 34-vjeçares me probleme të shëndetit mendor një vit më parë, por ka mohuar që të jetë babai i fëmijës.
Gjatë seancës gjyqësore mësohet se pasi pranoi përdhunimin, ai ka kërkuar edhe falje i penduar. Por ai nuk ka pranuar kurrsesi atësinë e fëmijës duke lënë të kuptohet se me 34-vjeçaren kanë abuzuar seksualisht edhe persona të tjerë.
Rasti u evidentua kur 23-vjeçarja kishte ngelur shtatëzanë, dhe ku pas lindjes së fëmijës provat biologjike genetike zbuluan se i ati i fëmijës ishte Eduart Bushi.
