Një vrasje makabër ka ndodhur në fshatin Shkallë të Durrësit, ku ish-kryeplaku i këtij fshati është gjetur i vdekur, me plagë të shumta në kokë. Bëhet fjalë për shtetasin Mirosh Djaloshi, i cili është gjetur i vrarë në oborrin e banesës së tij.
Familjarët kanë lajmëruar policinë e cila ka kontatuar se 54-vjeçari kishte plagë në kokë, si pasojë e goditjeve me mjete të forta.
“Sot, në orët e para të mëngjesit, në fshatin Shkallë, Manëz, në oborrin e banesës së tij, është gjetur i vdekur nga familjarët, i goditur me sende të forta në kokë” njofton policia. Në vendngjarje ndodhen Efektivat e Policisë, të cilët po punojnë për identifikimin dhe kapjen e autorit, si edhe zbulimin e plotë të ngjarjes, ndërsa dyshime ka edhe tek familjarët.
(Boldnews)
