Aktori kryesor i serialit shumë të ndjekur nga shqiptarët, “Shtëpia ime, fati im”, që luan rolin e Mehdiut, Ibrahim Çelikkol, do të largohet.
Krejt papritur është mësuar se në seritë e ardhshme, të cilat po transmetohen njëkohësisht edhe në “Tv 8” në Turqi, çifti kryesor, Zejnep dhe Mehdi, do të ndahen. I gjithë skenari është ndryshuar pikërisht për shkak të largimit të aktorit kryesor, raporton “Hurriyet”.
Çelikkol do të jetë i pranishëm edhe për dy seritë e ardhshme, pas të cilave, gjithçka do të ndryshojë në fabulën e filmit. Nuk dihet nëse në vend të aktorit do të hyjë dikush tjetër apo historia e serialit do të marrë tjetër rrjedhë.
