Kryeministri Edi Rama ka falenderuar deputetin Enver Roshi, që pranoi ftesën për të qenë pjesë e listës së kandidatëve për deputetë në radhët e PS, në qarkun e Elbasanit.
Rama thuri lavde për Roshin, i cili në këtë mandat që po mbyllet në Kuvend ishte në radhët e LSI-së, dhe nuk pranoi të digjte mandatin.
Sipas Ramës, Roshi gjeti vendin e duhur dhe u kthye sërish në PS, ndërsa i është besuar fushata e socialistëve në Gramsh, ku do të jetë së bashku me këshilltarin e Taulant Ballës, tashmë kandidat për deputet Besian Ajazi.
“Dua ta mbyll për një anëtar të kësaj skuadre që ka fituar respektin tim si një njeri i mençur dhe i ditur, është një prej atyre që jera politike i çoi diu tjetër në një periudhë kohe. Dua ta falenderoj profesorin për gjithçka aio bëri si një përfaqësues dinjitoz u komunitetit, natyrisht që nuk u bë mandat djegës, dhe qëndroi në Kuvend, ku la përshtypjet më të mira.
I jam shumë mirënjohës për praninë e tij në skuadrën tonë, më vjen shumë mirë që edhe Covidin e mundi me mirësi dhe me paqe”, tha Rama, i cili për ti gjetur një vend Roshit në listë, sakrifikoi dy nga deputetët më jetëgjatë dhe më me kontribute në PS, Anastas Angjeli dhe Musa Ulqini.
