Një shpërthim tritoli ka tronditur mbrëmjen e së shtunës Burrelin.
Mësohet se sasia e lëndës plasëse ka shpërthyer në shtëpinë e punonjësit të SHISH, Alfred Karaj.
Ngjarja ka ndodhur pas orës 23:00, ndërkohë që kanë nisur menjëherë hetimet në lidhje me ngjarjen. Nga raportimet mësohet se shpërthimi ndodhi në lagjen Partizani ose siç njihet ndryshe tek zona e katrorit.
Nga ky shpërthim i fortë ka pasur vetëm dëme materiale dhe jo dëme në njerëz.
Mat/informacion paraprak
Rreth orës 23.35, në derën e banesës së shtetasit A.K., në katin e parë të një pallati, është vendosur dhe ka shpërthyer një sasi e vogël lëndë plasëse, nga shpërthimi i së cilës ka vetëm dëme materiale.
Nga veprimet e para rezulton se në banesë nuk ka pasur njeri në kohën kur ka shpërthyer lënda plasëse.
Grupi hetimor nën drejtimin e Prokurorisë Mat, po vijon punë për zbardhjen ngjarjes, identifikimin dhe kapjen e autorëve.
