Janë mbyllur 3 takime të vlefshme për javën e 16-të në Kategorinë e Parë. Ndeshja Burreli-Erzeni është karakterizuar nga një tension i madh teksa vendasit fituan me rezultatin minimal 1-0. Sadush Danaj shënoi në minutën e 87-të dhe miqtë nga Shijaku protestuan.
Në fushë u krijua tension i madh dhe u desh edhe ndërhyrje e forcave të rendit. Dallohet edhe një përplasje e Policisë Bashkiake me trajnerin e Erzenit, Dorian Bubeqi. Nuk munguan as kartonët e kuq, pas një përplasje që patën në fushë Hasa dhe Troplini.
Për shkak të vonesave të shumta, loja i kaloi 100 minuta dhe Burreli me këtë fitore merr vendin e parë në pritje të një ndalese të mundshme të Dinamos, që luan nesër në transfertë me Besëlidhjen. Në grupin A sot u luajt edhe Partizani B-Oriku, që u mbyll me rezultatin e barabartë 0-0.
Egnatia, që kryeson grupin B, ka mundur rivalët e Besës me rezultatin 3-1 dhe afrohet edhe më shumë me Superioren. Rrogoshinasit shënuan të parët me Shtubinën me penallti, por Kaina më pas barazoi.
Guilherme Eller dhe Artur Magani gjetën më pas rrugën e rrjetës dhe i dhanë tre pikët Egnatias. Lushnja gjithashtu triumfoi ditën e sotme, kundër Flamurtarit. Një gol i Haxhiut vendosi fatet e këtij dueli të Kategorisë së Parë.
View this post on Instagram
Kategoria e Parë, rezultatet e ditës:
Grupi A
Burreli-Erzeni 1-0
Partizani B-Oriku 0-0
Grupi B
Lushnja-Flamurtari 1-0
Egnatia-Besa 3-1
