Një figurinë prej bronzi e një demi që besohet të jetë së paku 2,500 vjet e vjetër është zbuluar në Greqi pas një shiu të madh pranë zonës antike të Olimpisë.
Shenjat e djegies në statujë sugjerojnë se mund të ketë qenë një nga mijëra “ofertat” për perëndinë greke Zeus.
Zbulimi i sendit të vogël dhe të paprekur u bë nga arkeologët pranë një tempulli, tha ministria e kulturës e Greqisë.
Një arkeolog vuri re një nga brirët e demit që dilte nga balta pas një shiu, shtoi ajo.
Testimi fillestar ka treguar se sendi i gjetur, daton nga periudha Gjeometrike – rreth viteve 1050-700 para Krishtit.
