Ditën e sotme pranë shkollës “Jan Kukuzeli” në Durrës, ku po kryen vaksinimet anti-COVID nuk është paraqitur ende asnjë mësues.
Burime theksojnë se vaksinimi pritet të fillojë më vonë, por në fakt mësohet se në radhët e arsimtarëve ka skepticizëm lidhur me vaksinën britanike.
Edhe ditën e djeshme shumë arsimtarë nuk u paraqitën për vaksinim. Burime të besueshme bëjnë me dije se janë paraqitur 1 në 4 arsimtarë të planifikuar për t’u vaksinuar.
Ata presin rezultatet tek të vaksinuarit e deritanishëm, pasi paniku i përhapur për AstraZeneca është i ndjeshëm në opinion.
