Bayern Munich dhe Chelsea janë dy skuadrat e fundit që sigurojnë kalimin në çerekfinalet e Champions League.
Skuadra e Flick pasi kishte fituar 1-4 në Itali arriti një fitore tjetër ndaj Lazios këtë herë me shifrat 2-1.
Një ndeshje e administruar mjaft mirë nga ekipi i Flick, që pjesën e parë e mbylli me avantazhin 1-0, falë një goli të të zakonshmit Lewandowski, i cili shndërroi në gol një penallti të fituar nga Goretzka, pas një faulli të Muriqit.
Në pjesën e dytë ishte i njëjti ritëm, me Lazion që u mundua të bënte diçka, por që u ndëshkua në minutën e 73’ përsëri. Chupo-Moting shënoi pas një aksioni të bukur, ku Alaba i dhuroi një asist perfekt për golin e dytë.
Lazio gjeti golin e nderit në minutën e 82’, ku pas një goditje dënimi Parolo kërceu mbi të gjithë me kokë, duke mposhtur portierin Nubel. Kështu, në fund gjithçka u mbyll me shifrat 2-1, ndërsa rezultati i përgjitshëm ishte 6-2.
Nga ana tjetër “Blutë” e londrës mundën me rezultatin e përgjithshëm 3-0 skuadrën e Atletico Madrid. Sot në “Stamford Bridge”, Chelsea fitoi edhe ndeshjen e dytë ndaj spanjollëve, me rezultatin 2-0.
Golat për anglezët i shëuan Ziyech në minutën e 34 dhe Emerson në minutën e katërt shtesë.
8 skuadrat e kualifikuara janë: PSG, Borussia Dortmund, Porto, Liverpool, Real Madrid, Manchester City, Chelsea dhe Bayern Munchen.
Shorti për fazën çerekfinale do të hidhet ditën e premte në Nyon të Zvicrës.
