Pjesë e listës së nominimeve të çmimeve Oscar 2021, publikuar një ditë më parë është dhe filmi bonjak “Quo Vadis, Aida”. Pjesë e këtij filmi është dhe aktori shqiptar, Alban Ukaj. Lajmin e ka konfirmuar dhe vetë aktori shqiptar përmes një postimi në rrjete sociale.
Filmi me regji të Jasmila Zbanic, nominuar për çmimin filmi më i mirë ndërkombëtar me metrazh të gjatë, trajton masakrën e Srebenicës. “Quo Vadis, Aida”, është i bazuar në një ngjarje të vërtetë, të një përkthyeseje ndërkombëtare e cila shërbeu asokohe në Bosnje dhe Hercegovinë. Ukaj ka rolin e përkthyesit, Tarik.
Në një intervistë të dhënë pak kohë më parë për KultPlus, Ukaj duke folur për rolin e tij në film tha: “Nuk do t’i harroj xhirimet e këtij filmi asnjëherë, dhe besoj se të njëjtën ndjesi do ta kenë krejt aktorët e këtij filmi, sepse ky film ka lënë vulë në secilin prej nesh.”, u shpreh Ukaj.
