Policia e Elbasanit, ka arrestuar mëngjesin e sotëm 7 persona, në kuadër të operacionit të koduar ‘Kartëmonedha’. Mës të arrestuarve edhe një femër, 32 vjeçe.
Mësohet se se 7 personat, në bashkëpunim me njëri tjetrin, gjatë një periudhe kohore disa mujore, kanë hedhur në treg dhe kanë përdorur kartëmonedha të prerjeve të ndryshme të dyshuara si të falsifikuara.
Burime bëjnë me dije se personat e arrestuar, i përdornin kartëmonedhat e falsifikuara në disa qytete, si Tiranë, Krujë, Fier dhe Elbasan.
Policia ka sekuestruar në cilësinë e provës materiale 158,000 lekë të falsifikuara, 2 automjete dhe 9 aparate celulare.
Hetimet kanë zgjatur disa muaj.
Në pranga kanë përfunduar Altin Veizaj, 50 vjeç, banues në Fier, Bardhul Meçe, 56 vjeç dhe Ina Hysa, 32 vjeçe, banuese në Librazhd, Rezart Kovaçi, 48 vjeç, Drilon Alimetaj, 20 vjeç dhe Arbër Tafa, 30 vjeç, banues në Elbasan. Izair Çitozi, 27 vjeç, banues në Krujë.
“Këta shtetas, në bashkëpunim me njëri-tjetrin, gjatë një periudhe kohore disamujore, kanë hedhur në treg dhe kanë përdorur kartëmonedha të prerjeve të ndryshme të dyshuara si të falsifikuara, në disa qytete, si Elbasan, Tiranë, Krujë, Fier etj. Gjatë operacionit, këtyre shtetasve u janë gjetur dhe sekuestruar në cilësinë e provave: 158.000 lekë shqiptare të dyshuara si të falsifikuara, 9 aparate celular edhe 2 automjete. Materialet i kaluan Prokurorisë së Rrethit Gjyqësor Elbasan, për veprën penale “Falsifikimi i monedhave” kryer në bashkëpunim”, njoftoi policia.
