Zëdhënësja e Qendrës Spitalore Universitare “Nënë Tereza”, Jonada Cenolli ka konfirmuar lajmin për mungesën e ujit në spitale një ditë më parë. E pyetur nga media në lidhje me faktin se spitali kishte mungesë furnizimi me ujë një ditë më parë, Jonada Cenolli shprehet se për gjashtë orë e gjysmë QSUT nuk ka pasur ujë, për shkak të punimeve në linjë.
Sipas zëdhënëses, problemi me ujin është rregulluar një natë më parë në orën 22:30.
“Përshëndetje. Për shkak të punimeve në linjë, ditën e djeshme prej orës 16:00 ka patur mungesë me furnizimin e ujit në QSUNT. Problemi me ujin është regulluar që dje në orën 22.30. U morën masat që mungesa e ujit mos kishte probleme serioze për pacientët”.
Të afërm të pacientëve denoncuar në media se pavarësisht se ndodhemi në kulmin e pandemisë, në spital nuk ka ujë. UKT raportohet se e kishte njoftuar paraprakisht QSUT për defektin që kishin pësuar në linjë, në mënyrë që të merreshin masat.
