Interi arriti një fitore 1-2 në transfertë ndaj Torinos. Kjo ishte suksesi i tetë radhazi për skuadrën e Contes e cila tashmë është shkëputur me 9-të pikë avantazh nga ndjekësi më i afërt, Milani.
U deshën 61 minuta që Interi të gjejë golin e avantazhit në fushën e Torinos dhe kalon përpara me penalltinë e realizuar nga Lukaku.
Izzo gabon në ndërhyrje ndaj Lautaro Martinez dhe futet me vonesë, aq sa për arbitrin Valeri ska asnjë dyshim për të akorduar 11-të metërsh.
Por, Sanabria arrin të barazojë disa minuta më pas me anë të një goditje këndi dhe rrëmuje brenda zonës së rreptësisë ku Handanovic priti goditjen e Zaza por topi mbeti aty.
Por, 5 minuta nga fundi, Lautaro Martinez fluturoi te një krosim i ardhur nga Hakimi dhe me kokë gjeti devijimin perfekt duke mposhtur Sirigu.
