Cristiano Ronaldo ka reaguar për herë të parë që nga eliminimi i Juventusit në Champions League. Portugezi e ka bërë këtë duke postuar një foto nga stërvitja dhe duke e shoqëruar me një shkrim të gjatë.
“Në raport me numrin e rrëzimeve që pëson në jetë, më e rëndësishme është se sa shpejt ringrihesh. Kampionët e vërtetë nuk thyhen kurrë, fokusi ynë është te Cagliari dhe te gjithçka që mund të arrihet ende në këtë sezon. Fatmirësisht, futbolli ka kujtesë të fortë (edhe unë): historia nuk fshihet, por shkruhet çdo ditë me këmbëngulje, shpirt skuadre dhe shumë punë. Kush nuk e kupton këtë, nuk do ta arrijë kurrë lavdinë dhe suksesin”, lexohet në postimin e CR7.
Ditët e fundit, ylli portugez është kritikuar ashpër dhe e ardhmja e tij te Juventusi mbetet në dyshim të madh. Problem i madh mbetet rroga e tij e lartë te bardhezinjtë me këta të fundit që mund ta largojnë portugezin për të nisur rindërtimin e klubit.
View this post on Instagram
