Kreu i FRD-së Sali Shehu, në një deklaratë për mediat, pas përplasjeve në zyrat e tij me Policinë Bashkiake, citoi shprehjen dibrane se “Dardha e ka bishtin mbrapa”, ndërsa shtoi se nuk ka burrë nëne që t’ua marrë zyrat.
Shehu përshëndeti mediat, dhe tha se janë i vetmi pushtet i demokracisë. Ai tha se s’ka burrë nëne e njeri mbi tokë, që të marrë këto zyra, se janë të FRD-së.
Më tej, ai deklaroi se jemi këtu për t’iu thënë shqiptarëve se jemi bashkë për një gjë më të mirë. “As në kohën e Enver Hoxhës nuk ka ndodhur që të nxjerrësh partinë nga zyra”, tha Shehu.
Shehu sqaroi si nisi përplasja, që në orët e mëngjesit, kur është telefonuar nga punonjës se nuk lejohen të futen në zyrë.
“Në mëngjes u futa në zyrë dhe prita të vijë stafi. Mora telefonatë poshtë, që më thanë se më kanë ndaluar hyrjen. Tentova të lidhem me z.Veliaj, por nuk më është përgjigjur. Unë njoftova të gjitha mediat dhe drejtuesit e shtetit, kryeministrin, kryetarin e bashkisë, presidentin, do të njoftoj edhe selitë diplomatike.
Një gjë është e sigurt, kjo do të jetë epiqendra e situatës në Tiranë. Do ja dalim, se kemi bindje që gjithë partitë që janë rreshtuar në krah të kësaj situate, kanë mbështetje nga shqiptarët, këtë do ta vërtetojë 25 prilli dhe këta pastaj të gjejnë vend të futen. Kam njoftuar zyrtarisht prokurorin e Tiranës, që do të sjellë grupin e gatshëm për të vërtetuar dhunën e ushtruar ndaj stafit të FRD dhe Presidentit”, theksoi ai.
LEXO EDHE:
“Përjashta maskarenj”/ Meta përplaset me policinë bashkiake në zyrat e FRD (VIDEO)
