Serbia do të bëhet vendi i parë evropian që prodhon Sinopharm kinez kundër COVID-19, njoftoi të enjten Presidenti Aleksandar Vuçiç.
Vendi do të nënshkruajë marrëveshjen për të ndërtuar një fabrikë — të bashkëfinancuar nga Kina dhe Emiratet Arabe – brenda dy javëve të ardhshme, tha Vuçiç transmetuesit RTS.
“Ne do të fillojmë prodhimin e vaksinës nga 15 tetori,” shtoi ai.
Njoftimi u bë pas një vizite në vend nga Princi i Kurorës së Abu Dhabi Mohammed bin Zayed al Nahyan.
Serbia, një vend kandidat për në BE, mban marrëdhënie të ngushta diplomatike dhe ekonomike me Moskën dhe Pekinin dhe ka përdorur porositë për vaksinat kineze Sinopharm dhe ruse Sputnik V për të vaksinuar 1.5 milion nga 7 milion banorët e saj deri më tani.
Z. Vuçiç tha se vaksinat e prodhuara nga Serbia mund të dorëzohen “edhe me kosto” në vendet e tjera në rajon.
Sinopharm është miratuar për përdorim në 20 vende, përfshirë tre në Evropë: Bjellorusia, Serbia dhe vendi anëtar i BE Hungaria.
