Zbardhen detaje të reja nga shpërthimi i makinës tip “Benz”, mbrëmjen e sotme te “Komuna e Parisit”, në Tiranë.
Mjeti i shpërthyer i përket një prokurori.
Nga të dhënat e para bëhet e ditur se mjeti ka qenë i prokurorit me inicialet A. M., të cilit dyshohet se i është vënë lëndë plasëse në pjesën e përparme.
Tiranë/Informacion paraprak
Me datë 11.03.2021, rreth orës 19:30, tek Komuna e Parisit, në rrethana ende të paqarta ka shpërthyer dyshohet si pasojë e lëndës plasëse mjeti i parkuar në pronësi të shtetasit A. M., ku ka vetëm dëme materiale.
Grupi hetimor ndodhet ne vendngjarje dhe po punon për zbardhjen e plotë të rrethanave të ngjarjes.
Shërbimet e Policisë po kontrollojnë zonën si dhe janë ngritur pika kontrolli me qëllim kapjen e autorit.
