Ministrja e Shëndetësisë, Ogerta Manastirliu ka prezantuar tre mjekë si anëtarë të rinj të Komitetit të Ekspertëve të pandemisë Covid-19.
Ata janë ish-shefi i sëmundjeve infektive në QSUT Dhimitër kraja dhe mjekët Armira Kola e Alban Ylli.
Javën e kaluar, mjeku Tritan Kalo njoftoi largimin nga komiteti.
Ai u shpreh se politika arriti të përçajë mjekë dhe në këtë betejë mbarëbotërore.
“Si kurdoherë edhe kësaj here “PORDHITIKA” e bëri të mundur t’i përçajë mjekët në qëndrimet dhe në kontributin e tyre, për t’u përballur me këtë “flamë mbarëbotërore”…, shkroi Kalo në një postim në FB.
Ai shtoi se njëherësh janë krijuar 3 komitete, ai i qeverisë,i opozitës dhe presidentit.
“4 Marsi shënon edhe fundin e BASHKËPUNIMIT tim zyrtar me këtë grup të emërtuar: “Komiteti i përhershëm për Infeksionin e përhapur nga Coronavirusi i ri”…
Pas këtij reagimi, Kalo ka lëshuar akuza ndaj Partisë Socialiste.
