Një 34-vjeçar shqiptar, i identifikuar si Indrit Ibro, u arrestua nga policia italiane, me akuzën e posejdimit dhe tregtimit të narkotikëve dhe vjedhje.
Shqiptari u arrestua në banesën ku jetonte në Taranto, ku iu sekuestruan sende të vjedhura dhe doza të shumta kokaine, gati për shitje.
Policë civilë kishin disa ditë që mbanin nën vëzhgim lëvizjet e shqiptarit.
Forcat lëvizese të policisë vendosën të futen në apartament ku gjetën doza të shumta kokaine, e paketuar dhe e gatshme për shitje, 400 euro cash dhe materiale për paketimin e substancave narkotike.
Ndërkohë në dhomën ngjitur policisë i tërhoqi vëmendjen lehja e një qeni pitbull, i cili qëndronte i kyçur. Pasi siguruan kafshën, agjentët arritën të hynin në dhomë dhe gjetën mallra të shumta të vjedhura.
Në përfundim të operacionit, 34-vjeçari shqiptar, u arrestua.
Të gjitha mallrat e gjetura u dërguan në selinë e policisë ku po zhvillohen hetimet për të zbuluar origjinën dhe për të identifikuar pronarët, raportojnë mediat italiane.
