Shkrimtarja Flutura Açka sqaroi sot në emisionin Tempora se si e mori vendimin e saj për tu bërë pjesë e zgjedhjeve të 25 prillit si kandidate me PD-në në Qarkun e Elbasanit.
Açka u shpreh se ka qenë e përfshirë në një sens në politikë, sepse kam qenë shumë afër qysh në vitin 1990, por nuk ka qenë e përgatitur.
“U bënë shumë arsye bashkë që arrita në këtë vendim. Kur e kam takuar për herë të parë kreun demokrat Lulzim Basha më tha nëse jam gati që t’i shërbej demokracisë.
Ka qenë një vendim mendoj në kohën e duhur. Mendoj se është jnë vendim i drejtë dhe këtë do ta vlerësojnë votuesit. Ne kemi qenë këtu, por ne jemi përballur me një mur të fortë. Unë kam qenë gjithmonë e angazhuar, por duket se shoqëria civile nuk ka arritur që të shkundë qytetarët”, tha ajo.
Açka është poyicionuar e dyta në listën shumëemërore të PD në Qarkun e Elbasanit, ku si kryesues liste është Sekretari i Përgjithshëm i PD, Gazment Bardhi.
