Ben Blushi lëshoi disa deklarata të forta sot në mbrëmje në emisionin Opinion në Tv Klan. Blushi tha se dëshiron ta rrëzojë këtë qeveri, e cila sipas tij po e drejton vendin me mediokritet.
Ai tha se qëllimi i tij nuk është të rrëzojë qeverinë që të risjellë Berishën, por i kishte akuzat konkretisht për mënyrën se si po e drejton Rama vendin.
Blushi preku probleme të thella si mosrënia e papunësisë, mosulja e çmimit të naftës që preku gjithë botën, si dhe justifikimi i qeverisë se shqiptarët që ikin ën emigrim, janë shqiptarë emigrantë nga Greqia.
Ben Blushi nuk ka lënë pa thumbur Ramën për mosqetësinë që shfaqi në praninë e tij të fundit në Opinion, ku u kap në disa momente të sikletshme, ku gjymtyrët e poshtme e tradhtuan. Ky moment nuk i ka shpëtuar as Blushit i cili shtroi një pyetje: Pse dridhet Rama?
Kandidati për kreun e PS, Ben Blushi shprehet se “në Elbasan unë kam kryesuar një listë që nuk ka asnjë person me precedent penal, ndërsa në listat e tjera nuk e di. Por është e vërtetë që një deputet i palës tonë u kap me një trafikant në makinë, unë nuk e dija”tha ai.
Akuzave të Taulant Ballës se ndryshe flet në parti dhe ndryshe në publik, Blushi i është përgjigjur se ‘në cdo parti ka edhe ballistë edhe partizanë dhë unë jam partizan. Këto janë banilitete që unë nuk jam mësuar ti komentoj”tha ai.
