Kreu demokrat Lulzim Basha ka thirrur sot mbledhjen e Kryesisë dhe Këshillit Kombëtar të kësaj partie, ku pritet të diskutohet dhe më pas miratohet lista përfundimtare e kandidatëve për deputet.
Mbledhja e Kryesisë së PD pritet të zhvillohet në orën 20:00, ndërsa ajo e Këshillit Kombëtar në orën 22:00 me rend dite: Miratimin e listës shumë emërore të kandidiatëve për deputet të PDSh në zgjedhjet e 25 Prillit 2021.
Mbledhja e Këshillit Kombëtar për shkak të masave anti-Covid do të zhvillohet online.
Brenda orës 00:00 të datës 8 mars, partitë politike duhet të depozitojnë në KQZ listën zyrtare të kandidatëve për deputet për zgjedhjet e 25 prillit. Ashtu si edhe në 2017, drejtuesit e partive aleate me PD do të jenë pjesë e listës së kandidatëve të kësaj partie, pas arritjes së marrëveshjes për koalicionet.
