Policia greke arrestoi një të ri shqiptar, i cili shkonte në territorin e vendit fqinj me mushka e kuaj dhe priste pemët në një pyll buzë kufirit.
I riu kishte hyrë nga Shqipëria nëpërmjet kufirit të gjelbër duke prerë ilegalisht lëndë drusore në zonë pyjore të Kastorias.
Policia e lokalizoi 25-vjeçarin në një zonë të paarritshme pyjore pranë kufirit greko-shqiptar, ku ai kishte kaluar ilegalisht përmes të mërkurën pasdite, me dy kuaj dhe tre mushka.
Ai kishte prerë rreth 20 metra kub dru ahu në zonën e pyjeve publike, shkruan gazeta e njohur greke “Protothema”.
I riu shqiptar u arrestua dhe u dërgua në Departamentin e Rojës së Kufirit, ku u ngrit një çështje kundër tij për shkelje të legjislacionit pyjor dhe hyrje të paligjshme në vend, ndërsa materialet u referuan në prokurorinë e Kastorias. Pesë kafshët u konfiskuan.
