Ish-deputeti demokrat, Genc Pollo, ka reaguar përmes një postimi në rrjetet sociale, lidhur me raportin e miratuar sot nga Komisioni i Jashtëm i Parlamentit Europian për Shqipërinë.
Pollo shprehet se raporti e rikonfirmon se Qeveria Rama ende nuk i ka përmbushur kushtet për çeljen e negocatave si p.sh dënimin e votëblerësve, (dosja 339 e 184), dënimin e zyrtarëve të lartë për korrupsion, korrigjimin e ligjit anti-fjalë etj.
“Falenderime të përzemërta për raporterët Santos ( Social Demokrat) e Lega ( Popullor ) për punën e tyre dhe për thenien e të vërtetave açik. Po ashtu edhe për eurodeputetë të tjerë kontribues e për grupet e tyre. Kështu ndihmohet realisht Shqipëria europiane.
Para tre ditësh në Bruksel po të njëjtën të vërtetë e deklaroi hapur edhe zoti Borrel, Përfaqsuesi i Lartë i BE; në prani të Edi Ramës ! Ky i fundit është i vetmi shqiptar që nuk ja dëgjon veshi këto fjalë.
Në fakt më shumë se atij i adresohen publikut shqiptar.
Mbas 25 prillit me ndryshimin e pritshëm do të fillojnë të hiqen me shpejtësi pengesat artificiale të kësaj qeverie në mënyrë që Konferenca Ndërqeveritare me BE të mbahet në vjeshtë”, shkruan Pollo në postimin e tij.
