Tashmë është zyrtare, Giovanni Stroppa nuk është më trajner i Crotones. Pas disa aludimeve gjatë ditëve të kaluara, tashmë tekniku italian nuk do të jetë më “timonieri” i skuadrës së Serisë A.
Ky shkarkim nga detyra e trajnerit, vjen si pasojë e humbjes ndaj një kundërshtari direkt për mbijetesë si Cagliari që e mundi Crotonen me shifrat 0-2 në shtëpi, por edhe si pasojë edhe një serie të gjatë negative ku klubi i Crotones renditet i fundit me 12 pikë të grumbulluara në 24 javë në kampionatin italian.
Lajmin e shkarkimit të Giovanni Stropës e ka publikuar vetë klubi kalabrez me anë të një komunikate në sajtin e saj zyrtar.
Komunikata e klubit:
“Klubi i Krotones komunikon se ka zgjidhur marrëveshjen me trajnerin e skuadrës së parë, Xhovani Stropa. Rrugëtimi me trajnerin tonë përfundon pas 3 vitesh, ku ndihmoi skuadrën në mbijetesën e jashtëzakonshme, dhe në ngjitjen e saj përsëri në Serinë A. Presidenti dhe shoqëria jonë i uron më të mirën Stropës dhe stafit të tij në karrierën e tyre profesionale.”
