Partizani ia doli të fitonte titullin kampion para dy sezonesh. Dy nga më të spikaturit ishin trajneri Skënder Gega dhe lojtari Bruno Telushi. 30 vjeçari vlonjat ka bërë një postim në rrjetet sociale, ku kujton pikërisht atë sezon dhe rikthimin pas dëmtimit që e la jashtë për një kohë të gjatë.
Ai shkruan: “Me njeriun e madh pas atij dëmtimi dhe si zëvendës për pak kohë, Skënder Gega”. Marrëdhënia mes teknikut nga Tropoja dhe Telushit ka qenë dhe mbetet shumë e mirë. Tanimë gjërat kanë ndryshuar, teksa aktivizohet te Nefchi Baku.
Partizani, asokohe, bënte një sezon fantastik. Kryeqytetasit e mbyllën më së miri edicionin futbollistik me fitimin e titullit kampion./newsport.al
