Arsenal, Ajax dhe Villareal kalojnë në raundin tjetër të Europa League, ndërkohë që në skuadrat që mund të kalonin më tej e pëson Napoli.
Italianët fituan kundër spanjollëve të Granada me rezultatin 2-1, por e kishin pësuar 2-0 në takimin e parë dhe kështu eliminohen.
Zielinski shënoi i pari, që në minutën e tretë, por Granada barazoi me Montoro dhe gjithçka u komplikua. Goli i Ruiz më pas nuk pati ndonjë vlerë.
Arsenali nuk e pati të lehtë kundër skuadrës së Benfica, edhe pse fitoi me rezultatin 3-2. Aubameyang ishte ai që i dha kualifikimin “Topçinjve”, me dy gola të shënuar. Interesante ishte përballja e Ajax me Lille, që u mbyll me rezultatin 2-1 në favor të holandezëve. Villareal ka fituar edhe takimin e dytë kundër RB Salzburg. Në këtë ndeshje shënoi edhe shqiptari Mërgim Berisha.
Befasia e mbrëmjes ishte Hoffenhaim, që u mposht 0-2 në shtëpi nga Molde. Norvegjezët kaluan më tej dhe Ullan-Andersen ishte heroi i tyre. Shakhtar Donetsk dhe Rangers ishin dy ekipet e tjera që u kualifikuan në Europa League.
