Kingsley Coman është një nga talentet e Bayern Munich, por ish-ylli i Juventus, nuk është i sigurt se do të qëndrojë gjithmonë në Bavari.
“Nuk është e pamundur të them se do ta përfundoj karrierën te Bayern Munich, por është akoma shumë shpejt për ta thënë. Jam 24 vjeç dhe kam akoma edhe të paktën 8 vite në nivele të larta”, ka thënë francezi për Onze Mondial.
“Nuk mund ta komentoj këtë mundësi, është me të vërtetë shumë shpejt. Para se të nënshkruaja me Bayern-in, e dija se ishte një klub i madh me një kulturë të madhe për fitoren”.
“Në vazhdim kam kuptuar se ishte më shumë se kaq; të gjithë klubet duan të fitojnë, veçanërisht klubet e mëdha, por Bayern, për ambiciet që ka, është mbi gjithë të tjerët”.
