Autoritetet shëndetësore kineze njoftuan sot se kanë miratuar dy vaksina të reja kundër Covid, për përdorim.
Vaksinat, të zhvilluara nga kompania kineze CanSino Biologics dhe një filial i Sinopharm, kanë marrë miratimin me kusht pasi janë konfirmuar të jenë efektive kundër Covid-19, ka njoftuar Administrata Kombëtare e Mjekësisë.
Instituti i Produkteve Organike Wuhan, filial i Laboratorit Sinopharm, konfirmoi se vaksina ka një normë efikasiteti prej 72.51%. Cansino Biologics raporton një normë efikasitetin në 65.28% për vaksinën 28 ditët pas vaksinimit.
Kështu, Kina u ka dhënë dritën jeshile katër vaksinave që janë zhvilluar në vend. Në shkurt, Autoriteti Rregullator i Barnave Kineze miratoi me kusht tregtimin e Sinovac CoronaVac. Në dhjetor, vendi miratoi vaksinën Sinopharm.
Autoriteti kinez i ilaçeve tha sot se do t’u kërkojë dy kompanive të vazhdojnë të kryejnë hetime përkatëse, të përmbushin kriteret për miratimin me kusht dhe të paraqesin rezultatet e hetimeve shtesë brenda afateve të përcaktuara.
