Partia Demokratike zyrtarizoi dje marrëveshjen me disa prej subjekteve politike, ndërsa depozitoi në KQZ kërkesën për regjistrimin në zgjedhjet e 25 prillit të koalicionit “Aleanca për Ndryshim”.
E ndërsa gjatë ditës së djeshme u fol për një koalicion me 14 parti, mes të cilave edhe partia Mendimi i Djathtë Liberal i drejtuar nga Mustafa Lici, në kërkesën zyrtare të depozituar në KQZ, kjo parti nuk rezulton në listën e partive përbërëse të koalicionit.
Në draftin fillestar të marrëveshjes së publikuar nga demokratët, këta të fundit kishin listuar 13 parti të tjera krahas tyre duke çuar në 13 numrin total të partive të koalicionit, por në draftin përfundimtar, partia e drejtuar nga Lici nuk përfshihet si pjesë e koalicionit.
Ndoshta ky mund të ishte një nga aleatët e sikletshëm për PD në kuadrin e ligjit të dekriminalizimit.
