Kreu demokrat Lulzim Basha ka renditur 10 dështimet e Kryeministrit Edi Rama gjatë 8 viteve të tij në qeverisjen e vendit.
Basha ka renditur si dështimin e parë premtimin e bërë nga Rama në 2013-ën për hapjen e 300 mijë vendeve të reja të punës.
Një tjetër dështim i Kryeministrit, sipas Bashës, është premtimi për shëndetësi falas. Kreu i Qeverisë gjatë mandatit të tij 8 vjeçar ka dhënë koncensione pa fund në fushën e shëndetësisë, madje edhe gjatë muajve të pandemisë ka vijuar të paguajë koncensionarët, edhe pse nuk kanë ofruar shërbime.
Dështimi i tretë i Ramës është ai për hapjen e negociatave me BE. Megjithëse disa herë ka festuar hapjen e negociatave me BE, aajo që mund të konsiderohet si sukses për Rilindjen është shtimi i kushteve nga BE, ku aktualishtvendi duhet të plotësojë 15 të tilla që procesi i integrimit të avancojë.
Si dështim të katërt të Ramës, kreu demokrat rendit uljen e borxhit publik, i cili realisht ka arritur në vlerat më të larta historike dhe pavarësisht borxheve që janë marrë, një pjesë e konsiderueshme e tyre kanë shkuar për koncensionarët.
