Presidenti Ilir Meta u shpreh sot se qytetarët shqiptarë duhet ta shohin 25 prillin si një referendum kombëtar dhe të ndëshkojnë me votë këtë qeveri.
Meta tha se ka dy apele për qytetarët shqiptarë: i pari, të ruajnë veten nga pandemia e Covid-19 dhe të respektojnë ato masat anti-Covid, dhe e dyta që ta shohin 25 prillin si një referendum kombëtar, pasi forca e tyre është vota.
“25 prilli është një ditë e madhe në historinë e Shqipërisë. Unë kam vetëm 1 votë si qytetar dhe ajo do të jetë kundër oligarkisë. Por të mos harrojmë se ka edhe 26 prill, kështu që këta që kanë firmosur kuturu, do të përballen me ligjin. Ndonjë që ka kartelë mjekësore do të kërkojë rrethana lehtësuese, por këta që nuk kanë kartela do të kenë rrethana rënduese.
Koncensionarët e rrugëve e kanë detyrim ligjor që të kenë borëpastrueset në gadishmëri, por iu deshën 3 ditë, për të marrë masat.
Kur ishte tërmeti, institucionet shqiptare, pritën sa të vinin forcat nga Kosova dhe vende të tjera, ndërkohë që për kontratën koncensionare të Rinasit, letrat u bënë brenda ditës.
Qytetarët të kërkojnë që tani qendrat e votimit, të shkojnë të rinovojnë kartat e identitetit, do të hapim një portal që do të denoncojmë të gjitha presionet që bëhen për zgjedhjet, të presioneve nga ana e policisë”, tha Meta.
