Në emisionin Tempora u publikuan mbrëmjen e së martës rezultatet e sondazhit Nota për qarqet Elbasan dhe Shkodër.
Referuar të dhënave të sondazhit, sikur zgjedhjet të zhvilloheshin në 23 shkurt, PS do të merrte në Elbasan 43-47 %, PD 29-33 % dhe LSI 8-12 %.
Krahasuar me 2017, kur PD kishte 20.72 % në qarkun e Elbasanit, bazuar në të dhënat e sondazhit, kjo parti ka një rritje me 9-13 %, ndërsa LSI ka një rënie me pothuajse 6 %.
Referuar sondazhit, PDIU ka 4-6 %, ndërkohë në 2017 kjo parti kishte 18 % të votave. Ndërkohë për partitë e tjera shifrat janë mes 7-11 %.
Të pavendosurit në Qarkun e Elbasanit janë 26 %.
Ndërkohë në Qarkun e Shkodrës, referuar sondazhit, PS rezulton 32-36 %, ndërkohë që në 2017 kishte marrë 35.7 %.
Partia Demokratike kuotohet nga 45-49 %, ndërkohë që në 2017 ka marrë 37.1 %, ndërsa LSI kuotohet nga 6-10 %, ndërsa 4 vite më parë ka marrë 11.6 % të votave. Të pavendosurit në Shkodër llogariten në 28 %, ndërsa partitë e tjera marrin nga 7.5 në 11.5 %.
